TAMKO LA SERIKALI KUHUSU MATOKEO YA FORM IV

Waziri wa Elimu na Mafunzo ya Ufundi, Dakta Shukuru Kawambwa

NI mwezi ujao ambapo itaeleza mchakato mzima wa suala la usahihishaji na upangaji wa mitihani nchini.

Bagamoyo. Serikali imesema inajiandaa kutoa tamko zito mapema mwezi ujao kuhusiana na mchakato mzima wa usahihishaji na upangaji wa mitihani ya kidato cha nne nchini.

Waziri wa Elimu na Mafunzo ya Ufundi, Dk Shukuru Kawambwa ameyasema hayo juzi, alipozungumza na Jumuiya ya Walimu, wazazi na wanafunzi wa Shule ya Sekondari Matimbwa wilayani Bagamoyo baada ya  kufanya ziara ya kukagua shughuli mbalimbali za maendeleo na kuzungumza na wapigakura wa jimbo lake kuhusu masuala ya elimu na changamoto zilizopo.

Dk Kawambwa aliwaeleza wananchi jimboni humo kuwa matokeo ya kidato hicho cha nne mwaka huu, yatapangwa kwa alama za ulinganishi sawa kwa masomo yote. Waziri huyo aliweka bayana kuwa amekuwa akikerwa na baadhi ya watu wakiwamo viongozi ngazi za juu kuingiza siasa katika masuala ya elimu nchini na kuwaomba wananchi kuwapuuza kwani nia yao ni kujipatia umaaarufu wa maendeleo kupitia suala hio.

               Endelea kusoma habri hii kwa kuofya hapa chini

Alisema kijumla Serikali imekuwa ikikerwa na watu ambao kila kukicha wanaona njia rahisi ya kujipatia umaarufu ni kutaka kutumbukiza siasa katika elimu kitu ambacho alisema hakiwezi kukubalika.

“Nimekuwa nakereka sana na watu wanaotumia matatizo ya walimu, ufaulu wa wanafunzi na changamoto zilizopo katika sekta ya elimu, kutaka kujipatia umaarufu badala ya wao kuchangia  mawazo yao ya nini kifanyike ili kuisaidia Serikali kuboresha hali hiyo”alisema Kawambwa.

Akizungumzia kuhusu madeni na malimbikizo ya walimu,Kawambwa alisema kwa ujumla hakuna mtu anayependa kudaiwa hivyo hata Serikali nayo haipendi kudaiwa inajitahidi kushughulikia ila kinachokwamisha kukamilisha haraka mchakato huo ni walimu wengi wanaodaiwa kuidai Serikali kushindwa kuthibitisha madai yao mapema kwa madai wengi wao hawana vithibitisho vya madai.

                                                             MWANANCHI